Inxhinierët e Bashkisë së Tiranës dalin në terren për të vlerësuar gjendjen e objekteve të prekura nga tërmeti

Bashkia e Tiranës ka ngritur grupet e punës të cilët po kryejnë verifikime në terren për të vlerësuar gjendjen e objekteve të prekura nga tërmeti.

Inxhinierët konstruktorë së bashku me ekspertët e ndërtimit, po verifikojnë pallatet dhe banesat, në mënyrë që të evitohet ndonjë incident. Ekspertët po kryejnë verifikim të konstruksionit të pallatit si dhe atë të mureve.

Shërbimet sociale kanë marrë masa duke strehuar banorët e pallateve që janë shpallur të pabanueshëm. Puna do të vijojë deri në konstatimin përfundimtar për gjendjen e çdo banese.